ՀՀ Արագածոտնի մարզի Կարբիի Վ. Թեքեյանի անվան միջնակարգ դպրոցի 3Բ դասարանը, դասվար Ծաղիկ Գրիգորյանի ղեկավարությամբ, ապրիլի 10-ին կազմակերպեց բաց - դաս միջոցառում: Միջոցառման նպատակն էր ամփոփել III դասարանում անցած գիտելիքները` <Մայրենի լեզու>, <Հայոց լեզու>, <Մաթեմատիկա> և <Ես և շրջակա աշխարհ> առարկաներից: Դասը կազմակերպվել էր <Հայ ասպետ> խաղի ձևով: Դասարանի 27 աշակերտները բաժանվել էին եռագույն դրոշի գույներով, յուրաքնչյուր խմբում 9 աշակերտ: Մեծ պաստառի վրա փակցված էր տառագրպանիկներ, որոնց մեջ տեղադրված էին հարցերը: Յուրաքանչյուր խումբ ընտրում էր իր հարցը և պատասխանում, իսկ ժյուրիի անդամներ` Լ. Հովհաննիսյանը, Ս. Հակոբյանը, Ռ. Ալեքսանյանը և Լ. Ավետիսյանը գնահատում էին աշակերտներին ըստ արժանավույն, որի արդյունքում երեք թիմերն էլ վաստակեցին հավասար միավորներ:
Այնուհետև 3Բ դասարանն իր հարգանքի տուրքը մատուցեց 1.5 միլիոն զոհված հայերի հիշատակին, որոնք 1915 թվականին անմեղ զոհ գնացին արնախում-ոճրագործ թուրք ջարդարաներին: Դասարանի մի անկյունում տեղադրված էր ծիծեռնակաբերդի հուշահամալիրի մակետը, իսկ հուշահամալիրի կողքին դրված էին ծաղիկներ և վառվող մոմեր: Երեխաները երաժշտության ուղեկցությամբ արտասանեցին: Աշակերտներից Րաֆֆի Տոնոյանը կատարեց հոգևոր երգ՝ նվիրված զոհվածների հիշատակին: Վերջում հնչեց <10 միլիոն հայ ենք մենք> երգը: