Ապրիլի 7- ին հ. 174 հիմնական դպրոցի IIIդ դասարանի աշակերտները ներկայացրին մի յուրօրինակ և հուզիչ միջոցառում՝ նվիրված մեր շատ սիրելի, քնքուշ ու քաղցրիկ տատիկներին:Ներկա էին գրեթե բոլոր տատիկները: Միջոցառումը նրանց համար անակնկալ էր: Երեխաները նախօրոք նկարվել էին տատիկների հետ և այդ նկարները փակցված էին պաստառին, որը մեծ տպավորություն թողեց հյուրերի վրա:Միջոցառման ընթացքում տատիկները հուզվեցին,անգամ արտասվող աչքեր նկատվեցին:
Ինչու որոշեցինք տոնը նվիրել տատիկներին, որովհետև հայ ընտանիքներն առանձնանում են իրենց հատուկ հարգանքով ու սիրով դեպի տան մեծերը: Տատիկների մեջ կային երկար տարիների փորձ ունեցող մանկավարժ և բժշկուհի, որոնք տպավորված և շոյված այս միջոցառումից, շնորհակալական խոսքեր ասացին տնօրեն՝ Ն. Դանիելյանին և դասվար՝ Մ. Մանուկյանին նման ուշադրության և մեծարանքի համար : Յուրաքանչյուր տատիկ առանձնահատուկ ուրախությամբ ու հպարտությամբ էր լսում իր թոռնիկի խոսքը, ժպտում և միաժամանակ հուզվում դրանից: Տիկին Դանիելյանը ջերմ ու բարի խոսքերով շնորհավորեց նրանց,ցանկանալով առողջություն ու երկար տարիների կյանք: Մենք համոզված ենք, որ տատիկները տուն գնացին, իմանալով, որ արժանի են մեծ սիրո և գնահատանքի:
ԻՐՈՔ, ԱՆՍԱՀՄԱՆ Է ՍԵՐԸ ՏԱՏԻԿԻ