Ցեղասպանության մեկդարյա տարելիցի շրջանակներում ապրիլի 20-ին Կարբիի Վ. Թեքեյանի անվան միջնակարգ դպրոցում տեղի ունեցավ «Հիշում եմ և պահանջում» խորագիրը կրող գրական-երաժշտական միջոցառում: Այն կազմակերպել էին VIIբ դասարանի դասղեկ, հայոց լեզվի և գրականության ուսուցիչ Թեհմինե Թարզյանը և ինֆորմատիկայի ուսուցիչ Վ. Հովհաննիսյանը: Մասնակցում էին VIIբ և Xա դասարանների աշակերտները: Աշակերտները պատմեցին հայոց ցեղասպանության մասին, նրանք ցավով էին գիտակցում, որ անդառնալի են հայ ժողովրդի կորուստները, որ ցեղասպանության հետևանքով չծնվեցին միլիոնավոր հայ մանուկներ: Ոգեկոչեցին մեծն Կոմիտասին, Զոհրապին, Վարուժանին, Ռ. Սևակին, Երուխանին և այլոց…
Միջոցառման երկրորդ մասը վերնագրված էր «Մի կյանքի պատմություն», որտեղ աշակերտները ներկայացրեցին եղեռնազարկ հայ ժողովրդի զավակներից մեկին՝ Արշիլ Գորկու եղերական կյանքն ու հրաշագեղ ստեղծագործությունները: Արշիլ Գորկին՝ Ոստանիկ Ադոյանը, ցեղասպանության արհավիրքից փրկվածներից մեկն էր, ով իր նկարներով հավերժ կհիշեցնի հայոց մեծ վշտի մասին: Սարսափները դաշնագրի պես տեղ են գտել նրա նկարներում, որտեղից էլ կռիվ են տալիս արդարության համար: Ողջ միջոցառման ընթացքում ցուցադրվում էին համապատասխան տեսանյութեր, նկարներ, ինչն էլ ավելի պատկերավոր և բովանդակալից էին դրձնում այն:
Միջոցառումից հետո աշակերտներն ու ծնողները ուսուցիչների հետ միսանի այցելեցին Ծիծեռնակաբերդի հուշահամալիր՝ հարգանքի տուրք մատուցելու ցեղասպանության անմեղ զոհերի հիշատակին: