«ՀԻՇՈՒՄ ԵՄ ԵՎ ՊԱՀԱՆՋՈՒՄ» ԽՈՐԱԳՐՈՎ ՄԻՋՈՑԱՌՈՒՄ ՎԱՆԱՁՈՐԻ Մ. ԽՈՐԵՆԱՑՈՒ ԱՆՎ. Հ. 17 ԱՎԱԳ ԴՊՐՈՑՈՒՄ
Վանաձորի Մովսես Խորենացու անվան N17 ավագ դպրոցի 8-րդ դասարանի աշակերտները դասղեկ Սոֆյա Ափինյանի ղեկավարությամբ ապրիլի 18-ին կազմակերպել էին միջոցառում «Հիշում եմ և պահանջում» խորագրով, որն անց կացրեցին Ծիծեռնակաբերդում:
Հնչեց Արա Գևորգյանի «Տեր ողորմեա» -ն, աշակերտները խոնարհվեցին, ծաղկեպսակը դրեցին հուշահամալիրի մոտ, վառեցին մոմերն ու մոտեցան անմար կրակին, կանգնեցին շրջանաձև ու արտասանեցին «Տերունական աղոթքը»: Ներկայացրեցին հուշահամալիրի կառուցման պատմությունը, խոսեցին Հայոց մեծ եղեռնի մասին, արտասանեցին Անատոլ Ֆրանսի խոսքերը: «Դլե յաման» -ի հնչյունների տակ կարդացին հատվածներ «ԱՆԼՌԵԼԻ ԶԱՆԳԱԿԱՏՆԻՑ»: Շնորհալի աշակերտուհի Միլենան ջութակի կատարմամբ հնչեցրեց «Ավե Մարիա »-ն, իսկ Անահիտը ներկայացրեց Հայոց ցեղասպանության ճանաչման ժամանակագրությունը…
