«ՀԻՇՈՒՄ ԵՄ ԵՎ ՊԱՀԱՆՋՈՒՄ» ԽՈՐԱԳՐՈՎ ՄԻՋՈՑԱՌՈՒՄ ԱԲՈՎՅԱՆԻ Հ. 2 ՀԻՄՆ. ԴՊՐՈՑՈՒՄ
Ապրիլի 21-ին Աբովյան քաղաքի թիվ 2 հիմնական դպրոցում տեղի ունեցավ հերթական համադպրոցական միջոցառումը՝«Հիշում եմ և պահանջում»:
Լեփ-լեցուն դահլիճը դարձել էր համակ հուզում ու ուշադրություն: Միջոցառման սյուժետիկ հիմքում ընկած էր եղեռնից մազապուրծ ընտանիքի աշխարհասփյուռ բեկորների պատմությունը: Զուգահեռ կերպավորվեցին միսիոներներ, հայ ազգի բարերարներ Կարեն Եփեն, Յ.Կյունցլերը,Արմին Վեգները…
Հուզիչ էին Թեհլերյանի դատավարությունը ներկայացնող դրվագները, ազդեցիկ՝ միջոցառման ավարտը՝ շնորհակալություն հային ցավը ճանաչողից ու ընդունողից, պահանջատիրություն, տունդարձի կոչ, հարատևելու կամք:
Հինգերորդցիների ազգային պարի առնական դոփյունները մեկ անգամ ևս հավաստեցին՝<<Հիշում ենք և պահանջում>>:
Միջոցառումն ուսանելի էր,խորը ասելիք ունեցող:
Կազմակերպիչներ՝ Ռ.Գրիգորյան, Մ.Գրիգորյան. Ջ.Սահակյան
