Կարբիի Վ. Թեքեյանի անվան միջնակարգ դպրոցում տեղի ունեցավ միջոցառում «Մեր վերքերը դեռ բաց են…» խորագրով՝ նվիրված հայոց ցեղասպանության 100-րդ տարելիցին:
Միջոցառումը կազմակերպել էին պատմության ուսուցիչ Ս. Նանյանը և ինֆորմատիկայի ուսուցիչ Վ. Հովհաննիսյանը, մասնակցում էին 9-ից 12-րդ դասարանի աշակերտները: 
Միջոցառումը սկսվեց աղոթքով և տեր ողորմեայի երաժշտության ներքո երեխաները մոմեր վառեցին ի խաղաղություն 1.5 միլիոն անմեղ զոհերի սուրբ հոգիներուն...
Ողջ միջոցառումը ուղեկցվում էր տեսանյութերով և նկարներով: Ցուցադրվեցին կադրեր «Ցեղասպանության լուսանկարիչը», «Նեմեսիս գործողություն-Ազգային դատավարություն» ֆիլմերից: Երեխաները ոգեկոչելով մեր սուրբ նահատակներին հիշեցին և այն հայորդիներին ում շնորհիվ աշխարհը ստիպվեց ու ստիպված է լինելու հաշվի նստելու մի ազնվական ազգի հետ, ում համար կյանքը չնչին մի երևույթ է համեմատ իր ազնվական ազգի արժանապատվության...
Երեխաները խոստացան, որ մենք մեր բաժին Հայաստանն այլեւս երբեք չենք կորցնելու` ինչ գնով էլ դա լինի, մեր ժողովրդին չենք զոհաբերելու եւ հավետ մնալու ենք մեր հողից կառչած՝ ապրելով հանուն մեր պապերի հիշատակի…