Երևանի Տ. Շևչենկոյի անվան թիվ 42 ավագ դպրոցում շարունակվում է «Հիշում եմ ու պահանջում» խորագրի ներքո իրականացվող միջոցառումների շարքը, որոնցից յուրաքանչյուրն ունի իր ուրույն խորհուրդը, յուրօրինակ կոչ է հիշատակման, ոգեկոչման ու վերածննդի:
Այսօրվա միջոցառումն էլ մեկն էր այն բացառիկ միջոցառումներից, որոնք հնչեցնում են Ցեղասպանության թեման ռուսերենով: Վեր էին հանված յուրօրինակ պատառիկներ համաշխարհային գրականությունից, հատկապես ռուս գրողների մտքերից, որոնք ոչ միայն արտահայտում էին վերջիններիս զգացումները Հայոց ցեղասպանության վերաբերյալ, այլև փաստում ու դատապարտում:
Միջոցառմանը ներկա էին մի շարք հյուրեր, Հայաստանում ռուսական կազմակերպությունների ու կառույցների ներկայացուցիչներ, դպրոցների տնօրեններ, նշանավոր հայագետ և ցեղասպանագետ Վերժինե Սվազլյանը և այլոք։