Ս/թ մայիսի 7-ին Երևանի «Գ. Էմինի անվան N 182 ավագ դպրոց» հիմնադրամում տեղի ունեցավ Հայոց Ցեղասպանության սուրբ նահատակների հիշատակին նվիրված միջոցառում: Հանդիսությանը ներկա էին Գերաշնորհ Տեր Վարդան եպիսկոպոս Նավասարդյանը, Բարեշնորհ Հովհաննես սարկավագ Մանուկյանը, ՔԴԿ Երևանի պատասխանատու Ռուզաննա Առաքելյանը և այլ հյուրեր:

Հոգեպարար միջոցառման ավարտին դպրոցի տնօրեն Ռ. Ալավերդյանի խոսքից հետո օրհնության խոսք ասաց Վարդան Սրբազանը, ով խորհրդանշական համարեց Հայրենական պատերազմի հիշատակության, Շուշիի ազատագրման, ինչպես նաև Երկրապահ Կամավորական Միության օրվա նախօրեին այսպիսի գեղեցիկ միջոցառման կազմակերպումը, և որ այն մեզ՝ հիշատակողներիս համար է անհրաժեշտ, այլ ոչ թե արդեն սուրբ հռչակված նահատակների, ովքեր ապացուցել են իրենց կյանքով, իսկ մենք՝ երիտասարդներս, դեռևս ուխտ ունենք մեր նախնյաց հիշատակի առջև՝ կերտելու մեր ազգի փայլուն ապագան: 
Սրբազան Հայրը գնահատեց միջոցառման բոլոր կազմակերպիչներին և մասնակիցներին՝ Աստծո օրհնությունը հայցելով կրթօջախի պայծառության համար: