Կարբիի Վ. Թեքեյանի անվան միջնակարգ դպրոցում VIIԲ դասարանում կենսաբանության ուսուցչուհի Է. Ստեփանյանը կազմակերպել էր բաց դաս` «Ծաղիկների աշխարհում»: Դասասենյակը հագեցած էր դիդակտիկ նյութերով ու զննական պարագաներով: Աշակերտները նախ ներկայացրին «Բուսաբանությունը» որպես գիտություն: Վենի դիագրամի միջոցով ներկայացրին ստորակարգ և բարձրակարգ բույսերը: Պատմեցին բույսերի նշանակության մասին: Պատրաստել էին ծաղկի կառուցվածքը պատկերող պաստառ: Պատկերավոր էր Հայաստանի դեղաբույսերի մասին պատմող հատվածը: Ապա խոսեցին առանձին ծաղիկների մասին: Լրացրեցին աղյուսակ «Բույսերի նշանակությունը բնության մեջ և մարդու կյանքում»:
Դասն ընդմիջվում էր ուսուցչի ուղղորդող խոսքով: Դասի ընթացքում աշակերտներն արտասանում էին ծաղիկներին նվիրված գեղեցիկ բանաստեղծություններ:
Դասը հետաքրքիր էր, այն ներկաներին հաղորդեց գարնանային տրամադրություն: