ՄԻՋՈՑԱՌՈՒՄ ԿԱՐԲԻԻ Վ. ԹԵՔԵՅԱՆԻ ԱՆՎ. ՄԻՋՆ. ԴՊՐՈՑՈՒՄ
Կարբիի Վ. Թեքեյանի անվան միջնակարգ դպրոցում IԲ դասարանի աշակերտները հրաժեշտ տվեցին Այբբենարանին: Դասվար Ռ. Բաբիկյանը և երաժշտության ուսուցչուհի Մ. Մկրտչյանը կազմակերպել էին բազմաբովանդակ միջոցառում, որի ընթացքում նրանց փոքրիկ սաները ներկայացրին և հայոց գրերի պատմությունը, և հայ ժողովրդի անցած դժվարին ուղին: Փոքրիկները անմասն չմնացին նաև Ցեղասպանության անմեղ զոհերի հիշատակը ոգեկոչելուց: Իրենց թոթով լեզվով, սակայն խրոխտ կեցվածքով ու հավատամքով նրանք ևս հայտարարեցին, որ «Հիշում են ու պահանջում», նրանց շուրթերով խոսեցին Շիրազն ու Սևակը:
Միջոցառման ընթացքում աշակերտները հրաշալի երգեցին, հանդես եկան պարային համարներով, իսկ վերջում փոքրիկներից մեկի կատարմամբ հնչեց դհոլի գեղեցիկ կատարում:
© 2013-2014, Դպրոց կենտրոնների միություն