ՄԻՋՈՑԱՌՈՒՄ ԳԱՎԱՌԻ Հ. ԹՈՒՄԱՆԱՅՆԻ ԱՆՎ. Հ. 3 ՀԻՄՆ. ԴՊՐՈՑՈՒՄ
Գավառի Հ. Թումանյանի անվան N 3 հիմնական դպրոցը տոնականորեն զարդարվել էր մայիսյան եռատոների առիթով: Դպրոցն իր դռներն էր բացել Հայրենական մեծ պատերազմի վետերանների , Արցախյան հերոսամարտի մասնակիցների, ԵԿՄ միության անդամների առաջ: Համադպրոցական միջոցառում, որը կազմակերպել էր ռուսաց լեզվի ուսուցչուհի Հասմիկ Խանդանյանը , հիշողության շտեմարան էր՝ համեմված պատերազմի տարիների երգերով, տեսաֆիլմի ցուցադրությամբ, ռազմի դաշտից ուղարկված լավատեսությամբ լի նամակներով, պատերազմական դրվագների ներկայացմամբ : Միջոցառումն ավարտվեց հայոց անպարտ , աննկուն ոգու ցուցիչ ավանդական Քոչարի պարով՝ փաստելով, որ այն պարել են Բեռլինում՝ Ռայխստագի պատերի տակ, Շուշիում՝ Ղազանչեցոց եկեղեցու բակում, ու դեռ պարելու են Մասիսի ստորոտին:
© 2013-2014, Դպրոց կենտրոնների միություն