Ապրիլի 22-ին Գավառի Հ.Թումանյանի անվան N3 հիմնական դպրոցում տեղի ունեցավ Մեծ Եղեռնի զոհերի ոգեկոչման հուշ-ցերեկույթ, որը յուրօրինակ հայացք է դեպի անցյալ: Ցեղասպանության համընդհանուր ճանաչման, դատապարտման ու արդարության վերակագման պահանջատիրական կոչով աշակերտները ևս մեկ անգամ հավաստեցին , որ այսօր պետականություն ունեցող և արցախյան ազատամարտում փայլուն հաղթանակներ տարած հայ ժողովուրդը հիշում է 100տարի առաջ թուրքական յաթաղանի զոհ գնացած 1,5միլիոն անմեղ մարդկանց:
Միջոցառմանը իրենց մասնակցությունը բերեցին դպրոցի I-VIII դասարանի աշակերտները. Այն կազմակերպել էր դպրոցի գրադարանավարը՝ Ե. Մուրադյանը: Միջոցառումն սկսվեց Մեծ Եղեռնի զոհերի հիշատակը մեկ վայրկյան լռությամբ հարգելով: Աշակերտների խոսքը կոչ էր համայն աշխարհին. 100-ամյա լռությունն անգամ չի մեղմել 1915թ. մեծագույն ողբերգության ցավը և այսօր էլ աշխարհասփյուռ հայությունը հիշում, ճանաչում և դատապարտում է:
Աշակերտները անուն առ անուն թվարկեցին զոհված հայ մտավորականների և հայ վրիժառուններին: Դպրոցի «Պատանի նվագարան » երաժշտական խումբն իր յուրօրինակ մասնակցությունն ունեցավ միջոցառման կայացմանը: Դպրոցի պատմության ուսուցչուհի Գ.Բոստանչյանն իր ելույթում նշեց այն բոլոր պետությունների անունները, որոնք ճանաչել են Մեծ Եղեռնը:
Գ.Խանամիրյանը ընթերցեց Ցեղասպանության 100-րդ տարելիցի համահայկական հռչակագիրը: Միջոցառումն ավարտվեց Հայաստանը փառաբանող գեղեցիկ բանաստեղծություններով : Վերջում բոլոր մասնակիցները զուռնա դհոլի երաժշտության տակ պարեցին հայկական, ավանդական քոչարին, որը խորհրդանշում է հայոց աննկուն ոգին: