ՀԱՂԹԱՆԱԿԻ ՕՐԸ ՍԻԱՄԱՆԹՈՅԻ ԱՆՎ. Հ. 162 ՀԻՄՆ. ԴՊՐՈՑՈՒՄ
Մենք հաղթանակի սերունդներն ենք...
Մայիսը հայերիս համար հաղթանակների ամիս է` Վարդանանց պատերազմը,
Սարդարապատի ճակատամարտը, Հայրենական մեծ պատերազմը, Շուշիի
ազատագրումը: Սիամանթոյի անվան դպրոցում ևս մայիսը հաղթանակների
ամիս է, երբ ամփոփվում են ուսումնական տարվա արդյունքները: Մայիսի
7-ին և 8-ին անցկացվեցին բաց դասեր և միջոցառումներ` նվիրված մեծ
հաղթանակների օրվան: Հիշեցին պատերազմի հերոսներին, հայ մարշալներին
և պատերազմներում իրենց արիությամբ աչքի ընկած հայորդիներին:
Դպրոցի տնօրեն Աննա Ստեփանյանը նշեց, որ մայիսի 9-ը մեզ համար
փրկության և ազատության օր է, նոր հույսերի, նոր կյանքի սկիզբ, հայոց
նորագույն պատմության նշանակալի հանգրվան: Ցավոք, խաղաղությանը
հաճախ պարտադրվում է զոհերի գնով:
Մենք հաղթանակի սերունդներն ենք...Ուրեմն թող միավորվեն հայի
արիությունն ու հաղթական ոգին...
