Ինչպես բոլոր տոնական և նախատոնական օրերին, այս անգամ էլ մարդաշատ էր Սևանի Խ.Աբովյանի անվան ավագ դպրոցի դահլիճը: Միջոցառումը, որ նվիրված էր հաղթանակի օրվան, նախապատրաստված էր բարձր մակարդակով: Հնչում էր ռազմին նվիրված հրաշալի երգերը, որոնց պրոֆեսիանալ կատարումներով փայլեցին 8, 10 և 11-րդ դասարանների աշակերտները` Ալվարդ Հովհաննիսյանը, Մարինե Իշխանյանը,Մարիամ Գալստյանը,Գարեգին Հովհաննիսյանը, Տիգրան Զաքարյանը , Օլգա Գասպարյանը,Մարիամ Սերգոյանը և շատ ուրիշներ: Փոքրիկ բեմականացումներով անզուգական էր Նարեկ Հունանյանի և Մարիամ Հարությունյանի դերակատարումը: Միջոցառման հաջողությունը պայմանավորված էր նրանով,որ կար միասնականություն,որ միջոցառման կազմակերպիչ Արմինե Մելքոնյանին օգնության էր հասել օտար լեզվի ուսուցչուհի Ռուզաննա Դալլաքյանը, որը իր վրա էր վերցրել երաժշտական կատարումների անթերի մշակումը և ուսուցչուհի Մարգարիտ Բաղդասարյանը, որի շնորհալի ձեռքը մասնակցել էր դահլիճի ձևավորմանը:
Միջոցառումը ռազմահայրենասիրական դաստիարակության վառ օրինակ էր: