Մայիսի 8-ին կայացավ Կարբիի Վ. Թեքեյանի անվան միջնակարգ դպրոցի IVԲ դասարանի (դասվար՝ Լ. Ավետիսյան) «Հրաժեշտ տարրական դպրոցին» միջոցառումը: 
Աշակերտները ողջունեցին ուսուցիչներին, ծնողներին, հյուրերին, ներկայացրեցին գարունն` իր պերճ զարթոնքով, գեղեցկությամբ ու հմայքով: Իրենց ասմունքով, գեղեցիկ երգով ու պարով աշակերտները արտահայտեցին իրենց սերը ծնողների, սրբազան հայրենիքի հանդեպ, փառաբանվեց անհաղթ հայ զինվորը, որի շնորհիվ իրենց մանկությունն ուրախ է և անհոգ: Բեմ բերվեց հայոց եռագույնը, փոքրիկ զինվորները ակնածանքով ներկայացրին հայոց եռագույնի երեք գույները: Երեխաների շուրթերին սրբագրվեցին հայ զինվորները, դրոշը՝ եռագույն և սրբազան հայրենիքը: Վերջում աշակերտներն իրենց սրտի խոսքն ուղղեցին դպրոցի տնօրինությանը, իրենց ուսուցիչներին և խոստացան արդարացնել նրանց սպասումները և բարձր պահել դպրոցի պատիվը՝ իրենց կարգապահությամբ և բարձր առաջադիմությամբ: