Մայիսի 8 -ին Կապանի Հունան Ավետիսյանի անվան հ.9 ավագ դպրոցում 11բ- րդ դասարանի աշակերտները անցկացրին միջոցառում << Հաղթանակը հայի գենի մեջ է>> խորագրով` նվիրված մայիսյան հաղթանակներին: Միջոցառումը աչքի էր ընկնում բազմաբնույթ և յուրօրինակ կառուցվածքով: Մայիսյան հաղթանակների միջև զուգահեռներ անցկացնելով` աշակերտները Ավարայրից հասան Շուշի, իսկ հայ մամիկը իր խոսքով օրհնեց նրանց ճանապարհը: Սերո Խանզադյանի «Յոթերորդ աղբյուր»- ի բեմադրությունը հուզեց դահլիճին: Հիշեցին հայրենի հողի համար պայքարող բոլոր քաջազուններին, իրենց երախտագիտության խոսքերը ուղղեցին և երգերը նվիրեցին բոլոր ժամանակների հերոսներին, Հայրենական մեծ պատերազմի վետերաններին: 
Միջոցառման փոքրիկ մասնակից Արամիկին քրոջ խորհուրդը` «Ապրելով հերոսացիր», մեկ անգամ ևս ապացուցեց, որ հաղթանակը հայի գենի մեջ է և խաղաղությունը միշտ կթևածի հայոց երկնակամարում:
Միջոցառումը ավարտվեց հաղթական «Արցախ» պարով:
Միջոցառմանը հրավիրված էին հյուրեր` պատերազմի վետերաններ, երկրապահներ, զինվորներ, որոնք իրենց շնորհակալական խոսքերով ամփոփեցին միջոցառումը:
Միջոցառման կազմակերպիչ Լ.Դավթյանը ՀՀ ՊՆ № զորամասի կողմից պարգևատրվեց պատվոգրով Հայրենական մեծ պատերազմի հաղթանակի 70 -ամյա և Շուշիի ազատամարտի 23 -ամյա հոբելյանների առթիվ:
Կապանի Հունան Ավետիսյանի անվան հ9 ավագ դպրոց