2015թ-ի մայիսի 8-ը խորհրդանշանական և տոնական էր ԵՊԲՀ-ի «Հերացի» ավագ դպրոցում: Բոլոր դասարաններում անցկացվեցին Հայրենական մեծ պատերազմի հաղթանակին և Շուշիի ազատագրմանը նվիրված բաց դասեր`մեկ անգամ ևս փաստելով մեր հերոսական հաղթանակների փառավոր պատմությունը:
Օրվա տրամաբանական ավարտն էր «Հիշում ենք և հպարտանում» խորագրով միջոցառումը, որը կազմակերպվել էր դպրոցի բակում: 
Մայիսյան հաղթանակների ոգեղեն խորհուրդն ու հաղթական փառքը դպրոցի աշակերտները ներկայացրին եռագույնը խորհրդանշող կոչ-պաստառներով: Միջոցառման ընթացքում դպրոցի բակում կազմակերպվեցին «Հավերժ փառք Հայրենական մեծ պատերազմի հաղթանակը կերտողներին» և «Շուշիի ազատագրումը մեր հերոսամարտի հաղթական ավարտի Հաղթական մեկնարկն է...» ցուցատախտակների բացումով:
Միջոցառումը շարունակվեց եռագույն փուչիկների երկինք սլացումով, հաղթական շուրջպարով, հաղթանակին նվիրված երգերով: