Հայ իրականության մեջ տեղի ունեցող փոփոխություններն այսօր տարբեր կերպ են անդրադառնում մատաղ սերնդի վրա: Աշակերտները դպրոցում ոչ միայն ուսում և գիտելիք են ստանում, այլ նաև՝ հոգևոր սնունդ: Դպրոցական առարկայաշարում իր ուրույն տեղն ունի «Հայոց եկեղեցու պատմությունը», որն աշակերտները մեծ ոգևորությամբ և հետաքրքրությամբ են սովորում: Երեկ ոգևորությունն ավելի մեծ էր, քանզի նրանք շուրջ 3 ժամ զրույց ունեցան Գևորգյան հոգևոր ճեմարանից ժամանած հյուրերի՝ առանձնապես Վահան սարկավագի հետ: Հանդիպումը նախաձեռնել էր ՀԵՊ ուսուցչուհի Ն. Զեյնալյանը: Հետաքրքիր ու բովանդակալից զրույց-դասախոսությունը տեղի տվեց տարաբնույթ մտքերի փոխանակման, նոր գիտելիքների ձեռքբերման: Զրույցն այնքան հաճելի էր ու անմիջական, որ և՛ աշակերտները, և՛ուսուցիչները անընդհատ ուզում էին լսել նրա խոսքը: Մարդկության պատմության զարգացման ընթացքում մարդ արարածը միշտ էլ հավատքով է ապրել և արարել: Մեր ազգն էլ բացառություն չէ: Նա էլ է տառապանքի ճանապարհ անցել, սակայն իր ուժեղ հավատքի շնորհիվ մոխրի միջից հառնել է վեր և շարունակել ապրել: Այս է կարևորը: Կարևորը ապրելն է՝ չհեռանալով մեր արմատներից և հավատքից: Անշուշտ, Ն. Զեյնալյանն այս քայլով աշակերտներին մոտեցնում է ապրելու ճիշտ բանաձևին: Մեր ուսուցչական կոլեկտիվի անունից մեր մեծ շնորհակալությունը Վահան սարկավագին:

Հերմինե Հայրոյան/անգլերենի ուսուցիչ