ՄԻՋՈՑԱՌՈՒՄ ԿԱՐԲԻԻ Վ. ԹԵՔԵՅԱՆԻ ԱՆՎ. ՄԻՋՆ. ԴՊՐՈՑՈՒՄ
Կարբիի Վ. Թեքեյանի անվան միջնակարգ դպրոցում մայիսի 15-ին տեղի ունեցավ գրական-երաժշտական միջոցառում՝ «Մեր լեզուն մեր խոսքն է» խորագրով:
Դպրոցի VI Ա դասարանի աշակերտները իրենց դասղեկի՝ հայոց լեզվի և գրականության ուսուցիչ Ա. Ջիլավյանի ջանքերով օրը դարձրեցին մայրենիի անկրկնելի տոն:
Միջոցառման ընթացքում փառաբանվեց դարերի խորքից եկած մեր ոսկեղենիկ լեզուն, ընդգծվեց լեզվի և Մաշտոցի երկնած տառերի դերը ազգապահպանման գործում: Բեմականացման միջոցով ներկայացվեց հայերենի խոսքիմասյաին համակարգը, նրա դերը: Կարևորվեց բառի՝ որպես լեզվի հիմնական միավորի ընտրությունը: Գիտական և ժողովրդական ստուգաբանության ենթարկվեցին մի շարք բառեր: Մանրապատումների միջոցով քննադատվեց օտար և ժարգոնային բառերի կիրառությունը խոսքում: Հնչեցին պատվիրաններ, որոնց պետք է հետևի յուրաքանչյուր անհատ՝ խոսելիս: Միջոցառումը համեմված էր գեղեցիկ երաժշտական համարներով՝ շնորհիվ երգ-երաժշտության ուսուցիչ Մ. Մկրտչյանի:
