Մայիսի 22-ին Արտենիի թիվ 1 միջնակարգ դպրոցում տեղի ունեցավ «Վերջին զանգ» հանդիսավոր արարողությունը : Ցերեկույթին ներկա էին «Հայաստանի մանուկներ» հիմնադրամի ներկայացուցիչ Տ. Նալբանդյանը և Արագածոտնի մարզպետի ներկայացուցիչ Ա. Կարապետյանը ,որն ընթերցեց Արագածոտնի մարզպետ Ս. Սահակյանի ուղերձը ուղղված 2014-2015 ուստարվա շրջանավարտներին :Միջոցառումը շատ հետաքրքիր էր և բովանդակալից :Դպրոցի տնօրեն Տիկին Շատոյանի ջերմ և սիրալիր խոսքերը սեր և ուժ փոխանցեցին աշակերտներին :
Հուզումնախառն հայացքներ ,արցունքոտ աչքեր , հրաժեշտի խոսքեր ….. 
Շրջանավարտները վայելում էին դահլիճում նստած և իրենցով հիացած ուսուցիչների ,ծնողների և հյուրերի սերն ու ջերմությունը :
Շրջանավարները իրենց շնորհակալությունը հայտնեցին իրենց սիրելի տնօրեն Տիկին Շատոյանին , դասղեկներ Ա. Սահակյանին և Ա. Սաիլյանին , ուսուցիչներին:
Միջոցառումն ավարտվելուց հետո Տիկին Շատոյանը իր շնորհակալությունը հայտնեց դասղեկներին միջոցառումը կազմակերպելու և բարձր մակարդակով անցկացնելու համար :
-Համոզված եմ ,որ դուք բոլորդ Հայաստան աշխարհի զարգացման և բարգավաճման գործում ունենալու եք ձեր ավանդը : Վստահ թակեք մեծ կյանքի դուռը ,ապրեք ,արարեք և ամենակարևորը ` մնացեք Մարդ ,իմ հայոց թագավորներ և հայոց թագուհիներ ….. ,-
հավելեց Տիկին Շատոյանը և կյանք ճանապարհեց մի հերթական սերունդ :