Դպրոցականների սիրելի տոներից է «Վերջին զանգ» միջոցառումը,որին յուրաքանչյուր դպրոցական սպասում է յուրահատուկ հուզմունքով ու տրամադրությամբ: Թերևս դա է պատճառը, որ «Վերջին զանգը» վերածվում է յուրատեսակ ու ինքնատիպ հաշվետվության: Հենց այդպիսին էին Սևանի ավագ դպրոցի ավարտական դասարանների կազմակերպած վերջինզանգյան միջոցառումները` մեկը մեկից ինքնատիպ, մեկը մյուսից գեղեցիկ ու բովանդակալից:Միջոցառումներին ներկա էին Գեղարքունիքի մարզի փոխմարզպետ պարոն Հակոբյանը,մարզի կրթության բաժնի Սևանի պատասխանատու Գ.Մալխասյանը,Սևանի քաղաքապետ Ռ. Ղուկասյանը,Սևանի կրթության, մշակույթի և սպորտի բաժնի վարիչ Ա.Հովհաննիսյանը, բաժնի ներկայացուցիչ Եթեր Հարությունյանը, տեր Ստեփանոս և տեր Նշան քահանաները:
Աշակերտների գեղեցիկ կատարումները թե´ հիացնում և թե´ զարմացնում էին հանդիսատեսներին, նրանց շնորհալի երգն ու պարը, ասմունքն ու հումորը բարձր տրամադրություն էին ստեղծել ոչ միայն դպրոցում, այլև ողջ քաղաքում: