ՀՀ Գեղարքունիքի մարզի Վարդենիսի N4 հիմնական դպրոցում տեղի ունեցավ «Հրաժեշտ…» խորագրով հրաժեշտ տարրական դպրոցին հանդես - միջոցառումը:Այն սկսվեց տեսաֆիլմով, որտեղ ներկայացված էր մեծ աշխարհի մեր փոքրիկ անկյունը՝ մեր Վարդենիսը, մեր դպրոցը և մեր առօրյան՝ I -ին զանգի ղողանջից մինչև 4-րդ դասարանի վերջին դասը:
Դրան հաջորդեց «Հայաստան» երգը, որը ևս ուղեկցվեց խմբային պարով: Շատ գեղեցիկ էր նաև «Բերդ» պարը,այն կատարվեց ուրախ ու խրոխտ:
Դահլիճում թևածում էր սերը, սեր՝ հայրենիքի ու հայրենի քաղաքի նկատմամբ, սեր՝ հարազատ դպրոցի, ուսուցիչների նկատմամբ, սեր՝ ծնողների ու ընկերների նկատմամբ:
Երախտիքի խոսքեր հնչեցին ծնողների ու երեխաների կողմից: Միջոցառման նպատակն էր դպրոցի ուսուցիչներին և աշակերտներին ներկայացնել իրենց չորս տարիների ընթացքում ձեռք բերված գիտելիքները: Աշակերտները մտնում են դահլիճ վալսի ներքո: 
Ներկայացվում է գրերի գյուտը, Մաշտոցի աստվածաշնորհ գործը: Հաճելի երաժշտության ներքո դահլիճ մտան երեխաները՝ նազանքով բեմադրելով գեղեցիկ պար: Փոքրիկները հրաժեշտի գեղեցիկ հանդեսով հիացրին բոլորին՝ցույց տալով այն ամենը,ինչ ամբարել էին իրենց հոգում այս չորս տարիների ընթացքում: Աշակերտներն իրենց բարձր, տոնական տրամադրությունը փոխանցեցին բոլոր ներկաներին, պարգևելով բազում գեղեցիկ ակնթարթներ:

Թող ձեր ճամփեքին
Ծաղիկներ բուսնեն,
Չէ որ դուք էլ եք
Ծաղիկներ գարնան:
Գարուն է միայն ձեր ծով աչքերում
Սեր ու երազանք՝
Ձեր հայացքներում:

Միջոցառումը կազմակերպել էր Վարդենիսի N4 հիմնական դպրոց>>ՊՈԱԿ-ի 4-րդ դասարանի դասվար`Լուսինե Բզնունին: Հուզիչ էր նաև նախկին դասվար` Նարինե Շաբոյանի, այցը, այն կազմակերպել էր Լ. Բզնունին, Վերջինս նշեց, որ իր տարիների փորձը ցույց է տվել նման միջոցառումների կարևորությունը երեխաների կրթության և դաստիարակության գործում: 
Ձեր մանկությունը վաղուց անցել է,
Վաղուց դարձել է հեքիաթ ու հուշ,
Բայց երբ տեսնում եմ Ձեր աչքերը,
Կրկին մանուկ եմ դառնում քնքուշ: