Կապանի N 2 ավագ դպրոցում կազմակերպվեցին միջոցառումներ նվիրված Հայաստանի առաջին հանրապետության օրվա՝ մայիսի 28-ին: Դպրոցի պատանի երկրապահները ելույթ ունեցան «Երկրապահի սրահում»: Նրանց միջոցառումը կրում էր «Ես քո զինվորն եմ, Հայաստան» վերնագիրը: Իսկ 12 բ դասարանի աշակերտները այցելեցին Զանգեզուրի գոյամարտի ղեկավար Գարեգին Նշդեհի հուշահամալիր, որտեղ կազմակերպված միջոցառումն ուներ «21-րդ դարը մե՛րն է լինելու» նշանաբանը: Աշակերտները երգեր ու բանաստեղծություններ նվիրեցին մեր հերոսներին, անկախությանը, բանակին ու հայոց պետականությանը: Մասնավորապես արժևորեցին 1918թ. մայիսյան հերոսամարտերը, որոնք ճանապարհ բացեցին հայոց պետականության վերականգնման համար: Հայաստանի առաջին հանրապետության հիմնախնդիրներից մեկի՝ Արամ Մանուկյանի կյանքի և գործունեության մասին պատմեց դպրոցի պատմության ուսուցչուհի Ռիտա Օվչյանը: 
Ես մեր նախնյաց կապույտ երազն եմ, 
Հայոց Դաշտերի ցորյանի բույրն եմ, 
Ու մեր քաջերի թափած արյունն եմ, 
Վաղուց երազած, բայց նոր ծնվածն եմ
Թեև ջահել եմ, կայացած եմ.
Ես անկախությունն եմ…