Հայաստանի ազգային գրադարանում տեղի է ունեցել «Ընթերցման օլիմպիադա-2015» մրցույթի հանրապետական փուլը և մրցանակաբաշխության հանդիսավոր արարողությունը: Միջոցառմանը ներկա են եղել և հաղթողներին մրցանակներ են հանձնել ՀՀ ԿԳ նախարար Արմեն Աշոտյանը և ՀՀ Մշակույթի նախարար Հասմիկ Պողոսյանը,«Անտարես»հրատարակչության աշխատակիցները, «Dasaran.am» կրթական ծրագրի հիմնադիր նախագահ Սուրեն Ալոյանը, «Ջավախքին աջակցություն» հիմնադրամի ներկայացուցիչ Վ.Սարգսյանը և այլն:
Արմեն Աշոտյանը նշել է, որ ապագան ընթերցող երեխայինն է: «Սիրելի աշակերտներ, շատ գովելի է, որ դուք ընթերցանության համար արժանանում եք պարգևների, բայց, հորդորում եմ ձեզ, կարդացեք նաև այն ժամանակ, երբ ձեզ ոչ ոք չի խրախուսելու, որովհետև դուք սովորում եք ձեզ համար, ընթերցանությունը գործիք է դեպի ձեր ապագան»: 
Օլիմպիադայի 1-ին մրցանակին արժանացել է Վ.Հովհաննիսյանը /Երևան/, 2-րդ մրցանակին՝ Երևանի Վ.Տերյանի անվ. հ60 հիմն. դպրոցի աշ.-ուհի Մարինա Բոյաջյանը, իսկ 3-րդ տեղը՝ Խաչիկ Նալբանդյանը /Տավուշի մարզ/: