2015 թ. հունիսի 20-ին Երևանի Ջոն Կիրակոսյանի անվ. հ. 20 հիմն դպրոցում տեղի ունեցավ «Մանկավարժական խորհրդի նիստ հունիսին» թեմայով հանդիպում-սեմինար դպրոց-կենտրոնների տնօրենների համար: Սեմինարն ուղղված էր հունիս ամսվա վերջին մանկավարժական խորհրդի կազմակերպմանը: Հանդիպման ընթացքում բացման խոսքով ելույթ ունեցավ ԱԺ պատգամավոր, «Դպրոց-կենտրոնների միություն» իրավաբանական անձանց միության նախագահ Ռուզաննա Մուրադյանը: Երևանի Ջոն Կիրակոսյանի անվ. հ. 20 հիմն. դպրոցի տնօրեն Անահիտ Խոսրովյանը ներկայացրեց 2014-2015թթ. ընթացքում իրենց դպրոցի ձեռքբերումները և կատարված աշխատանքները հաշվետվության տեսքով: Սեմինարի ընթացքում մասնակիցները բաժանվեցին խմբերի և իրականցրեցին գործնական աշխատանքներ: Սեմինարը վարում էին Երևանի հ. 198 ավագ դպրոցի տնօրեն Արտաշես Թորոսյանը, Երևանի Վ. Տերյանի անվ հ. 60 հիմն. դպրոցի տնօրեն Անիչկա Իսկանդարյանը և Զորակի միջն. դպրոցի տնօրեն Տիգրան Բաբախանյանը: