Ինչպես բոլոր դպրոցներում, ԵՊԲՀ «Հերացի» ավագ դպրոցում ևս օրը տոնական էր: Այն կրկնակի հիշարժան էր «Հերացի» ավագ դպրոցի աշակերտների և ուսուցչական անձնակազմի համար, քանի որ սեպտեմբերի մեկը մեկնարկեց Երևանի պետական բժշկական համալսարանի ռեկտոր Միքայել Նարիմանյանի և դպրոցի տնօրեն Ն.Սարգսյանի կողմից դպրոցի բակում մեծ բժշկապետ, փիլիսոփա, հայ դասական բժշկության հիմնադիր Մխիթար Հերացու հուշատախտակի բացմամբ և հայ քաջորդի, ազգի նվիրյալ պաշտպան, զոհված ազատամարտիկ Վարդանի Ստեփանյանի անունը կրող դասասենյակի անվանակոչմամբ: 
Ողջունելով աշակերտներին` ռեկտորը կարևորեց հատկապես գիտելիքի ոչ միայն անսպառ պաշար ունենալը, այլև այն փոխանցելու և շրջապատի հետ կիսելու անհրաժեշտությունը: 
«Հերացի» ավագ դպրոցի տնօրեն` Ն.Սարգսյանը, իր շնորհավորական ուղերձն ուղղելով, մասնավորապես նշեց`սովորողների համար կրթությունը` որպես մշտավառ ուղեկից, պետք է դառնա այն փարոսը , որը մարդուն առաջնորդում է և նույնիսկ անելանելի թվացող ճանապարհներն է լուսավորում:
ԵՊԲՀ «Հերացի» ավագ դպրոցի աշակերտներին և ուսուցչական անձնակազմին գիտելիքի, գրի և դպրության օրվա կապակցությամբ շնորհավորելու էին եկել նաև մայր Աթոռ Սուրբ Էջմիածնի և հայկական բարեգործական ընդհանուր միության տեսուչ Տեր Կոմիտաս Հովնանյանը, Վարդան Ստեփանյանի մայրը ,մարտական ընկերները , ՀԲԸՄ Երևանի սկաուտները և վարչական շրջանի ներկայացուցիչներ : 
Ինչպես բոլոր կրթական հաստատություններում, «Հերացի» ավագ դպրոցի աշակերտները ևս լսեցին ՀՀ ԿԳՆ նախարարի, ՀՀ Երևան քաղաքի քաղաքապետ, Քանաքեռ-Զեյթուն վարչական շրջանի ղեկավարի շնորհավորական ուղերձները:
Տոնական օրն անցավ ջերմ, անմիջական և հուզիչ մթնոլորտում: