ՀՀ Անկախության 24-րդ տարելիցին նվիրված միջոցառումն է ՀՀ ԿԳՆ Հրազդանի N13ավագ դպրոցում,միջոցառում,որը կրկին հայրենասիրություն է սերմանում ու վառ պահում առ Հայաստան ունեցած սերն ու նվիրումը: Դպրոցի բակում կազմակերպված բացօթյա հանդիսության ողջ ոգևորությունը փոխանցվեց այն փոքրիկներին, ովքեր իրենց ծնողների հետ շտապում են կողքի նախակրթարաններ, այն պատահական անցորդներին, ովքեր կամա –ակամա ներգրավվեցին և համալրեցին հայկական խրոխտ ու խանդավառ պարեր կատարողների շարքերը:
Այսօր այս հողի ու հայրենիքի տերն են այն բոլոր աշակերտները, ում ասմունքը, երգն ու պարը ոգի ու շունչ են հաղորդում ունկնդիրների հոգուն:Միջոցառմանը մասնակցեցին բոլոր ներկաները` դպրոցի կառավարման խորհրդի նախագահ Մ. Գարեգինյանը, ԿԱԻ-ի Կոտայքի մասնաճյուղի տնօրեն Մ. Հովհաննիսյանը, ոստիկանության և քաղաքապետարանի աշխատակիցներ:Դպրոցի տնօրեն Հ. Հարությունյանի` «Տոնդ շնորհավոր, անկա´խ Հայաստան» ոգեշունչ խոսքերի ուղեկցությամբ էլ սովորողները բարձրացան նիստերի դահլիճ,որտեղ պրն.Գարեգինյանը վարեց Անկախությանը նվիրված դասը :