2015թ. սեպտեմբերի 23-ին Կարբիի Վ. Թեքեյանի անվան միջնակարգ դպրոցում տեղի ունեցավ միջոցառում «Տոնդ շնորհավոր անկախ Հայաստան» խորագրով՝ նվիրված ՀՀ անկախության 24 ամյակին:
Շնորհավոր տոնդ Հայաստան, շնորհավոր տոնդ Հայաստանի Անկախ Հանրապետության քաղաքացի: Թող, թե՛ ներկայիս և թե՛ հաջորդ սերունդները երբևէ չիմանան, թե ինչ է անկախություն չունենալը, այլ ապրեն օր օրի զարգացող ու հզոր Հայաստանում:
Թող անցած դարի կորցրածն ու գտածը չհանձնվի փառքի ու սնապարծության, խափուսիկ բնազդներին, օտար չափերի մեջ չկորցնի իր ազգային չափն ու կշիռը, թող պահի ու պահպանի ինքնազննումի և ինքնամաքրման մեր ազնվագույն կեցվածքը, որ այլևս երբեք չհանձնվենք նոր դարի տագնապի հողմերին:
Միջոցառումը կազմակերպել էին պատմության ուսուցիչ Ս. Նանյանը և ինֆորմատիկայի ուսուցիչ Վ. Հովհաննիսյանը, մասնակցում էին դպրոցի IX-ից XI դասարանների աշակերտները: