ՄԻՋՈՑԱՌՈՒՄ ԳԱՎԱՌԻ Հ.5 ՀԻՄՆ. ԴՊՐՈՑՈՒՄ
«Իմ սու΄րբ հայրենիք, հզո΄ր հայրենիք» խորագրով գրական-երաժշտական ցերեկույթն անցկացվեց Գավառի N5 հիմնական դպրոցում:
Ահա դարերի խորքից գալիս են հայոց արքաները, ճարտարապետները և պատմում Հայաստանի դարավոր պատմությունը:
Միջոցառումն անցկացվեց երկխոսության ձևով: Ճամփորդները շարունակեցին իրենց երթը և հասան մեր օրերը, ներկայացվեցին նաև Արցախյան ազատամարտը, մեր ձեռք բերած հաջողությունները:
Ցերեկույթի ընթացքում հնչեցին հայրենասիրական երգեր և բանաստեղծություններ:
-Հայ ժողովրդի երթը վերջ ու վախճան չունի, քանի դեռ գեթ մի հայ է ապրում այս հողագնդում, այս հավերժական արևի ներքո,- ամփոփեցին աշակերտները:
Միջոցառման վերջում հնչեց հայկական խրոխտ քոչարին, որն ավետեց մեր հաղթական երթը: Միջոցառումը նպաստեց աշակերտների հայրենասիրական դաստիարակության ամրապնդմանը:
© 2013-2014, Դպրոց կենտրոնների միություն