Սեպտեմբերի 23-ին դպրոցում տեղի ունեցավ ՀՀ Անկախության 24-րդ տարեդարձին նվիրված գրական-երաժշտական միջոցառում: Այն մեկնարկեց դպրոցի բակից , ապա շարունակվեց դահլիճում:Արժևորելով և կարևորելով անկախության դերն ու նշանակությունը հայ ժողովրդի կյանքում՝ աշակերտները հպարտությամբ հիշեցին դպրոցի 11 զոհված ազատամարտիկների անունները: Նրանք մի մասնիկն են այն հազարավորների, որոնք իրենց օրինակով ու հայրենասիրության դասերով ուղեկցելու են սերունդներին դեպի նորանոր հաղթանակների ու ձեռքբերումների ժամանակներ: Անկախ հայրենիքի հողին կանգնած հայ աշակերտի երակներում հոսում է Վարդան Մամիկոնյանի , Սասուցի Դավթի , Անդրանիկի , Մոնթեի արյունը:
ՀՀ Անկախության 24-րդ ամյակի առթիվ միջոցառումներ էին կազմակերպվել նաև կրտսեր դպրոցի տարբեր սրահներում: Միջոցառմանը մասնակցում էին I-IV դասարանների աշակերտները: Սրահներից յուրաքանչյուրում երեխաները գովերգելով անկախությունը՝ ներկայացրեցին ՀՀ զինանշանի պատմությունը, օրհներգը, ՀՀ և Արցախի դրոշները: Իրենց ոգևորությամբ ու հայրենասիրական ոգով այս փոքրիկները հիացրեցին և ոգեշնչեցին ներկաներին, հավաստելով, որ հանձինս իրենց, մեր երկրի անկախությունը ապահով ու հուսալի ձեռքերում է:Միջոցառումն ավարտվեց ամենակրտսեր աշակերտների երգ ու պարով: