2015 թ.-ի սեպտեմբերի 16-ին Երևանի հ.174 հիմնական դպրոցում տեղի ունեցավ օզոնի միջազգային օրվան նվիրված հեռուստակամուրջ, որի նախաձեռնողներն էին ՀՀ բնապահպանության նախարարությունը և Օզոնի ազգայի գրասենյակը:
Հեռուստակամուրջին մասնակցեցին դպրոցի 8-րդ և 9-րդ դասարանների մի խումբ աշակերտներ և Մինսկ քաղաքի հ.19 վարժարանի սաները:Կողմերը ելույթներ էին պատրաստել օզոնի նշանակության, օզոնի շերտի պաշտպանության գործում Հայաստանի և Բելոռուսի կատարած ներդրումների մասին:Հեռուստակամուրջիններկա էին ՀՀ բնապահպանության և կրթության նախարարությունների ներկայացուցիչները, որոնք շնորհավորեցին և խրախուսեցին հեռուստակամուրջի մասնակիցներին: Հանդիպման վերջում բնապահպանության նախարարության ներկայացուցիչ Լիանա Ղահրամանյանը ողջունեց և շնորհավորեց երկու կողմերի աշակերտներին:Որպես նվեր՝ մեր դպրոցի աշակերտները ստացան շապիկներ, իսկ մյուս կողմի մասնակիցները դրանք կստանան մեկ ամիս անց՝ Օզոնի ազգային գրասենյակի ներկայացուցիչների` Բելոռուս կատարելիք այցի ժամանակ : Հեռուսատակամուրջը հաջողված էր: Երեխաները մասնակցեցին հաճույքով և խանդավառությամբ, իրար հրաժեշտ տվեցին նոր հանդիպումների ակնկալիքով: