ՀԱՆԴԻՊՈՒՄ ՍԵՎԱՆԻ ԱՎԱԳ ԴՊՐՈՑԻ ԵՎ ՍԱՔԱՈՆԻԱ-ԱՆՀԱԼԹ ԵՐԿՐԱՄԱՍԻ ԴՊՐՈՑՆԵՐԻ ՄԻՋԵՎ
Արդեն 6-րդ տարին է , ինչ շարունակվում է Սևանի Խ. Աբովյանի անվան ավագ դպրոցի և Գերմանիայի Դաշնության Սաքսոնիա- Անհալթ երկրամասի դպրոցների միջև բարեկամությունը : Սևանի ավագ դպրոցի աշակերտները մի քանի անգամ եղել են Գերմանիայում , ծանոթացել կրթական համակարգին, մշակույթին:
Այս այցերը փոխադարձ են : Սեպտեմբերի 25-ին Հայաստան կատարած այցի շրջանակներում Սևանի ավագ դպրոց էին այցելել ԳԴՀ-ի Սաքսոնիա- Անհալթ երկրամասից ժամանած հյուրեր: Պատվիրակություն՝
• Սաքսոնիա -Անհալթ երկրամասի մշակույթի նախարար պարոն Ստեֆան Դորգելոհը իր տիկնոջ հետ,
• Սաքսոնիա- Անհալթ երկրամասի դպրոցների վարչության ղեկավար պարոն Թորսթեն Կլիմեն,
• կրթության նախարարի անձնական քարտուղար պարոն Միքայել Շուլցեն
• մշակույթի նախարարությանն առընթեր կրթության բաժնի պատասխանատու պարոն Ուվե Բիրկհոլցը,
• Գեմանիայի փոխդեսպանը, ՀՀ ԿԳՆ արտաքին կապերի բաժնի ներկայացուցիչներ ,
• Գեղարքունիքի մարզի կրթության վարչության պետ Գարիկ Բադալյանը և այլք:
Նրանք շրջեցին դպրոցում, ծանոթացան աշակերտների և ուսուցիչների հետ ` վայելելով հյուրընկալության աղն ու հացը, աշակերտների երգն ու պարը:
Այցը նպատակ ուներ ավելի սերտ դարձնելու արդեն ձևավորված կապը երկու կրթական համակարգերի միջև:
