Սևանի ավագ դպրոցի առօրյան ավելի հետաքրքիր է դարձնում ռոբոտաշինության խմբակը` Հասմիկ Առաքելյանի ղեկավարությամբ:
Ռոբոտաշինությունը ժամանակակից ճարտարագիտության ամենահամալիր ուղղություններից մեկն է, և այս բնագավառում ձեռք բերված գիտելիքները օգնում են աշակերտներին ոչ միայն ձեռք բերել նախագծման, ծրագրավորման և էլեկտրոնիկայի հետ աշխատելու հմտություններ: Խմբակի ղեկավար Հասմիկ Առաքելյանը ձգտում է նաև նպաստել խմբային աշխատանքի զարգացմանը և մասնագիտական կողմնորոշմանը: Խմբակի անդամներ Գագիկ Հայրապետյանը, Ռազմիկ Ոսկանյանը, Արմեն Գալստյանը, Կարեն Նավասարդյանը և մյուսները իրենց ղեկավարի հետ միասին ստեղծել են մի թիմ, որը կարողանում է իր առջև դնել նպատակներ և իրագործել դրանք:
Հոկտեմբերի 2-ին թիմը մասնակցեց «Դիջիթեք Էքսպո-2015» բարձր տեխնոլոգիաների ցուցահանդես- միջոցառմանը, որտեղ ներկայացրին իրենց նախագծած Wall-E տեսքով էկոռոբոտը և արժանացան հավանության:
Նրանց աշխատանքը հետաքրքրել է աշակերտներին, և խմբակի անդամների թիվը օրըստօրե շատանում է:
Մաղթենք հաջողություն խմբակի ղեկավար Հ.Առաքելյանին և նրա սաներին: