ՍՈՒՐԲ ԹԱՐԳՄԱՆՉԱՑ ՏՈՆԸ ԵՐԵՎԱՆԻ Հ.174 ՀԻՄՆ. ԴՊՐՈՑՈՒՄ
Հ. 174 հիմնական դպրոցում ավանդույթ է դարձել ամեն տարի հոկտեմբեր ամսին նշելու մի հրաշալի ու խորհրդանշական տոն` Սուրբ Թարգմանչաց տոնը:Սա հայ ժողովրդի ազգային-եկեղեցական տոներից է,որը խորհրդանշում է հայոց գրերի գյուտը, Աստվածաշնչի հայերեն առաջին թարգմանությունը, թարգմանչաց շարժումն ու հայ դպրության սկիզբը։
Տոնին նվիրված միջոցառմանը մասնակցում էին 6զ դասարանի աշակերտները, որոնք ներկայացրեցին հայ ժողովրդի պատմությունը հայոց գրերի ստեղծման անհրաժեշտության, Մեսրոպ Մաշտոցի ու Սահակ Պարթևի անցած դժվարին ուղու և հաղթանակի մասին:
Միջոցառմանը ներկա էր Մայր Աթոռ Սուրբ Էջմիածնի ՔԴԿ երևանյան պատասխանատու Ռուզաննա Առաքելյանը, որը ողջունեց նման միջոցառումների նախաձեռնությունը և մաղթեց աշակերտներին, որ նրանք միշտ մաքուր ու անաղարտ պահեն հայոց գիրն ու լեզուն:
