Հոկտեմբերի  23-ին  Սևանի  Խաչատուր Աբովյանի անվան  ավագ դպրոցի մարզադահլիճում  կազմակերպվեց սեղանի  թենիսի ներդպրոցական  առաջնություն,  որին մասնակցում էին  9-12-րդ դասարանների պատանի թենիսիստները: Թեժ պայքարի արդյունքում մրցանակակիրներ  դարձան  Լևոն  Թադևոսյանը , Գագիկ Հայրապետյանը, Էրիկ Բարսեղյանը՝ զբաղեցնելով համապատասխանաբար առաջին, երկրորդ և երրորդ հորիզոնականները: Բարձրակարգ տեխնիկա ցուցաբերեցին Արթուր Հովսեփյանը, Դերենիկ Գրիգորյանը , Գարիկ Հովհաննիսյանը, Դավիթ Միանսյանը: Հաղթողներին և լավագույն մասնակցություն ցուցաբերողներին պատվոգրեր և մրցանակներ  հանձնեցին դպրոցի տնօրեն Լիաննա Մկրտչյանը  և  Ն. Դագարյանի անվան  մարզադպրոցի տնօրեն  Վ. Նիկողոսյանը: Շնորհակալական  խոսքեր  ուղղեցին ֆիզկուլտուրայի ուսուցիչներ Գ. Հայրապետյանին , Փ. Խաչատրյանին և Ս. Պետրոսյանին :

      Միջոցառման  ընդմիջումները  իրենց  երգով զարդարեցին  դպրոցի աշակերտներ  Տիգրան Զաքարյանը , Շուշան Բադալյանը, Օլգա Գասպարյանը և Սվետլանա  Աբրահամյանը: Միջոցառումը  մեծ բավականություն պատճառեց հանդիսատեսին  և մասնակիցներին:

      Վերջում հաղթողներին շնորհավորեցին Ֆրանսիայից ժամանած Կարենը, Ռեմին և Լյուդվիգը, որոնք  թեև տարբեր  ազգությունից էին, տարբեր  մշակույթի կրողներ, բայց  համախմբվել էին շատ  լուրջ ու մեծ գաղափարի շուրջ՝  պահպանել բնությունը, էկոլոգիան  և  որպես  հետևանք՝   առողջ լինել:Նրանք եկել էին Հայաստան էլեկտրական մարտկոցով  աշխատող  «Տուկ-տուկ»  անունը  կրող մեքենայով: