2015 նոյեմբերի 17-ին անցկացվեց սեմինար պարապմունք,որին մասնակցում էին Ստեփանավան քաղաքի և տարածաշրջանի գյուղերի դպրոցների առարկայական մեթոդմիավորման նախագահները:
Սեմինարի նպատակն էր դպրոցների մեթոդմիավորման նախագահներին ծանոթացնել տեսչության կողմից դասալսումների ժամանակ օգտագործվող հարցաթերթիկների կառուցվածքին և պահանջներին,սովորեցնել կազմել դասի պլան,որը կհամապատասխանի այդ պահանջներին:
Սեմինարը սկսեց ավագ դպրոցի տնօրեն Ս. Թունյանը: Ողջունելով տարածաշրջանի դպրոցների առարկայական մեթոդմիավորման նախագահների սեմինարին մասնակցելու ցանկությունը`տնօրենը ներկայացրեց սեմինարի օրակարգը,նշեց,որ սեմինարի ընթացքում ուսուցիչներին կտրվեն փաթեթներ, օգտակար նյութեր ,որոնք հետագայում կարող են օգտագործել իրենց աշխատանքի ընթացքում:
Սեմինարը վարեցին ավագ դպրոցի առարկայական մեթոդմիավորումների նախագահները՝ Ս. Սահակյանը,Վ. Սուքիասյանը, Ա. Ասլանյանը,Կ. Չատինյանը: Մասնակիցներին առաջարկվեց բաժանվել մասնագիտական խմբերի,քննարկել և ներկայացնել այն հիմնական ուղղությունները,որոնց վրա ուշադրություն են դարձնում իրենց դասալսումների ժամանակ:Ներկայացնելով իրենց քննարկման արդյունքը՝ ձևավորվեց դասալսման ժամանակ ուշադրության արժանի գործընթացները:Մասնակիցներին բաժանվեց տեսչության դասալսումների թերթիկը՝ առաջարկելով խմբում քննարկել և գտնել այն դրույթները,որոնք տարբերվում են գրատախտակի վրա ձևակերպվածից: Տարբերությունները ներկայացնելուց հետո մասնակիցներին հանձնարարվեց կազմել դասի պլան,որը կհամապատասխանի տեսչության կողմից դասալսումների համար օգտագործվող հարցաթերթիկների պահանջներին:
Սեմինարի ընթացքում ցուցադրվեցին դասալսումների տեսակների և դպրոցի օրինակելի կանոնադրության մեթոդմիավորումների գործունեության մասին համակարգչային սահիկներ:
Ավագ դպրոցի մեթոդմիավորման նախագահները ներկայացրին իրենց կազմակերպած միջոցառումների ծրագրերը և ցուցադրեցին դրանց ընթացքը նկարագրող նկարներ:
Որոշվեց հետագայում հաճախակի կազմակերպել նմանատիպ սեմինարներ և հնարավորություն տալ այլ դպրոցների ուսուցիչներին նույնպես վարել սեմինարներ: