Ս.թ. նոյեմբերի 17-ին և 18-ին Մեծ Մասրիկի միջնակարգ դպրոցում կազմակերպվեց և անցկացվեց «Դպրոց-կենտրոնների միություն» իրավաբանական անձանց միության նախաձեռնած առարկայական մեթոդական միավորումների նախագահների և դասարանների ղեկավարների մասնագիտական խմբերի փորձի փոխանակման հերթական սեմինար-հավաք:
Մասնագիտական հավաքի նպատակն էր բացահայտել Վարդենիսի տարածքի քլաստեր դպրոցներում առկա մասնագիտական ներուժը, վերհանել և տարածել առաջավոր փորձը:
Սեմինար-հավաքը վարում էր Մեծ Մասրիկի միջնակարգ դպրոցի տնօրեն Ա.Հակոբյանը: Ակտիվ քննարկման և տարբեր մեթոդների կիրառման արդյունքում սեմինարին մասնակից առարկայական մեթոդական միավորումների նախագահների կողմից կազմվեց դասի պլանի նմուշ-օրինակ, որը համապատասխանում է տեսչության կողմից դասալսումների համար օգտագործվող հարցաթերթիկի պահանջներին, իսկ դասարանների ղեկավարները կազմեցին միջոցառումների պլան` ծնողական խորհրդի կանոնադրական իրավասությունների այն պահանջների մասով, որը անտեսվում է և գրեթե չի կատարվում: 
Վերջում մասնակիցներն իրենց գոհունակությունը արտահայտեցին «Դպրոց-կենտրոնների միություն» իրավաբանական անձանց միության կողմից պարբերաբար կազմակերպվող բովանդակալից սեմինար-հավաքների համար: