ՀՀ կրթության և գիտության նախարարության և Մայր Աթոռ Սուրբ Էջմիածնի Քրիստոնեական դաստիարակության կենտրոնի համագործակցությամբ 2015թ. սեպտեմբերի 18-ին անցկացվեց «Լավագույն ուսուցիչ» ամենամյա մրցույթը:
Նոյեմբերի 10-ին Մայր Աթոռ Սուրբ Էջմիածնի Գևորգյան հոգևոր ճեմարանի հանդիսությունների սրահում կայացավ մրցույթի հանդիսավոր մրցանակաբաշխությունը: Գավառի N5 հիմնական դպրոցի հայոց լեզվի և գրականության ուսուցչուհի Նորա Գոզեյանը  արժանացավ 3-րդ մրցանակի:

Դպրոցի ողջ մանկավարժական կոլեկտիվը, ծնողները և աշակերտները շնորհավորում են  հաղթած ուսուցչուհուն և մաղթում նորանոր հաջողություններ:

Ի դեպ, պետք է նշել, որ արդեն երկրորդ տարին է, որ Գավառի N5 հիմնական դպրոցի ուսուցիչները մասնակցում են  <<Լավագույն ուսուցիչ>> ամենամյա մրցույթին և զբաղեցնում մրցանակային տեղեր:

 Նախորդ տարի նույն մրցանակին արժանացավ նաև պատմության ուսուցչուհի Հռիփսիմե Մովսիսյանը: