Նոյեմբերի 20-ին Երևանի Հ. Կարապենցի անվան թիվ 6 հիմնական դպրոցում կայացավ «Դպրոց-կենտրոնների միություն» ծրագրերի շրջանակում սեմինար: Սեմինարին մաս-նակցում էին «Էրեբունի» վարչական շրջանի/ քլաստերի/ դպրոցների առարկայական մաս-նախմբերի նախագահները: Սեմինարը վարեցին թիվ 6 հիմնական դպրոցի « Տարրական և Օտար լեզվի» ՄՄ նախագահները՝ Գայանե Թովմասյանը և Լիլիթ Հակոբյանը: 
Սեմինարի նպատակն էր ծանոթանալ Կրթության պետական տեսչության կողմից դասալսումների ժամանակ օգտագործվողդասալսումների ձևաթղթի բնութագրիչներին և, հիմք ընդունելով այդ բնութագրիչները, կազմել դասի պլան:Սեմինարավարները ներկայացրեցին մի փոքրիկ նյութ՝ վերջին տարիներին դպրոցում տեղի ունեցած էական տեղաշարժերի մասին, ՄՄ – ների դերը դպրոցում: Կիրառեցին «Սինկվեյնի գծապատկեր» մեթոդը , որի ընտրված գոյականը հենց «Դասալսում» բառն էր: Այդ ներկայացնելուց հետո, սկսեցին աշխատել խմբերում և յուրաքանչյուր խմբ ից մեկական անդամ ներկայացրեց իր խմբի կատարած աշխատանքը: Այնուհետև համեմատեցին Կրթության պետական տեսչության կողմից դասալսումների ժամանակ օգտագործվող դասալսումների ձևաթղթի բնութագրիչների հետ, գտան որոշակի տարբերություններ և կազմեցին դասի պլան:
Սեմինարի նպատակն իրականացնելիս խթանվում էր մասնակիցների խմբային եղանակով աշխատելու կարողություններն ու հմտությունները, իրականացվում էր փորձի փոխանակում:
Սեմինարի ավարտին մասնակիցները շնորհակալություն հայտնեցին` սեմինարը համարելով արդյունավետ, ինչպես նաև ցանկություն հայտնեցին, որ այսպիսի աշխատանքներն ունենան շարունակական բնույթ :