ՄԻՋՈՑԱՌՈՒՄ ԱՐՏԵՆԻԻ N1 ՄԻՋՆ. ԴՊՐՈՑՈՒՄ
Արտենիի թիվ 1 միջնակարգ դպրոցում տոն էր , տառահանդես: Հերթական մի սերունդ սրտի թրթիռով և բազում ակնկալիքներով սկսում է իր ազգային ամենակարևոր դասը ….Այբ, Բեմ, Գիմ…
Առաջին դասարանի դասվար Ալվարդ Ֆահրադյանի և ծնողների ուժերով տոնական տեսք է ստացել դասարանը …. Այստեղ ամեն ինչ հայոց տառերի և հայոց լեզվի մասին է :Հնչեց «Հնչյունի երգը» և բացվեց դռնակը , երևացին տառերը և նրանց մեջ առանձնացված Ա -ն ` թագը գլխին : Դասարանի կենտրոնում կախված մեծ փուչիկի պայթյունից ցած թափվեցին Ա-երը: Դասվարի հանձնարարությամբ աշակերտները ընտրեցին մեկական մեծատառ և փոքրատառ Ա:
Ուսուցչուհին աշակերտներին նվիրեց նախապես պատրաստված բացիկներ և հանձնարարեց գրել մեծատառ և փոքրատառ Ա և նվիրել մայրիկներին :Տեսարանը հուզիչ էր :
Շարունակվեց դաս-միջոցառումը` ժամանակակից մեթոդների հմուտ կիրառմամբ : Միջոցառման ավարտին աշակերտները հանդիսավոր երդվեցին լավ սովորել ,սիրել հայրենիքը և անաղարտ պահել մեր սիրասուն մայրենին:
Ամփոփելով միջոցառումը դպրոցի տնօրեն` Մանուշակ Շատոյանը միջոցառումն անվանեց հայրենասիրւոթյան բովանդակալից դաս : Տնօրենը շնորհավորեց աշակերտներին այդ կարևոր իրադարձության կապակցությամբ , հորդորեց ողջ կյանքի ընթացքում արյամբ ու հոգով կրել ազգային ամենամեծ հարստությունը ` հայոց լեզուն :Իսկ տարրական դպրոցի բոլոր ուսուցիչներն մաղթեց ստեղծագործական նորանոր ձեռքբերումներ ի շահ Արտենիի միջնակարգ դպրոցի և Արտենիի հասարակության :
