ՍՈՒՐԲ ՀԱՐՈՒԹՅԱՆ ՏՈՆԸ ՆՈՅԵՄԲԵՐՅԱՆԻ ԱՎԱԳ ԴՊՐՈՑՈՒՄ
«Դպրոց-կենտրոնների միություն» իրավաբանական անձանց միության առաջարկով ապրիլի 22-ին Նոյեմբերյանի ավագ դպրոցում տեղի ունեցավ միջոցառում-մրցույթ, որը նվիրված էր Սուրբ Հարության տոնին: Միջոցառմանը մասնակցում էին 6-րդ դասարանի աշակերտները, որոնք ներկայացել էին «Գողգոթա» և «Նազարեթ» թիմերով:
Մրցույթի առաջին փուլում թիմերը պատասխանեցին առաջադրված հարցերին, որոնք ստուգում էին նրանց գիտելիքները Սուրբ Հարության տոնի վերաբերյալ:
Երկու թիմերն էլ փայլեցին իրենց քաջատեղյակությամբ` գրեթե անսխալ պատասխանելով բոլոր հարցերին:
Մրցույթի երկրորդ մասը անցկացվեց խաղերի ձևով: Թիմերը պակաս ակտիվ չէին նաև այս փուլում և վայելում էին հանդիսատեսի ջերմ համակրանքը:
© 2013-2014, Դպրոց կենտրոնների միություն