ՄԻՋՈՑԱՌՈՒՄ ԿԱՊԱՆԻ Հ.2 ԱՎԱԳ ԴՊՐՈՑՈՒՄ
Ծխախոտդ տուր, խնձորը տամ»,-ավտոմեքենաների վարորդներին Կապանի N 2 ավագ դպրոցի աշակերտները փորձում էին այսպես համոզել հրաժարվելու վնասակար սովորությունից:
" Մեկ տուփ ծխախոտի փոխարեն կարելի է գնել մեկ կգ միրգ ու չվնասել ոչ առողջությանը և չախտոտել շրջակա միջավայրը,-ասում է աշակերտական խորհրդի նախագահ Անի Հակոբջանյանը:
Դպրոցի աշակերտական խորհրդի մասնակիցները ակցիային համահունչ գրառումներով շապիկներով անցորդների ու վարորդների ուշադրությունն էին փորձում հրավիրել քաղցրավենիքով լի սեղանների վրա:
Րոպեներ անց հեատքրքրասեր վարորդներից շարք գոյացավ: Մի մասը անկեղծացավ ՝ վաղուց չեմ ծխում,իսկ մյուսներն էլ պարզապես չցանկացած հրաժարվել անբաժան տուփից:
Քաղցրավենիք կամ միրգ նախըտրողների ծխախոտի տուփերը անմիջապես էին հայտնվում աղբարկղում:
Ակցիային մասնակցել ցանկացողների մեջ էին նաև ուսուցիչները: Նրանց կողմից նախընտրած ծխախոտի տուփերը ևս տեղ գտան մյուսների կողքին:
Գունզգույն թղթերի վրա գրառումները կոչ էին նույն պահին հրաժարվել առողջությունը վնասելուց:
