Դեկտեմբերի 10-ին Վանաձորի Մովսես Խորենացու անվան N17ավագ դպրոցում տեղի ունեցավ «Եվ այր մի՝ Սևակ անուն» խորագրով միջոցառում՝ նվիրված Պարույր Սևակին:
Այն 12-րդ դասարանի հումանիտար հոսքի աշակերտների հետ կազմակերպել էր հայոց լեզվի և գրականության վաստակաշատ ուսուցչուհի Անուշ Սիմոնյանը:
Դասարանը կահավորված էր սևակյան շնչով: Նախօրոք կազմակերպվել էր պաստառի մրցույթ, որի ցուցադրությամբ լրացվում էր կահավորանքը: Ավարտական դասարանի աշակերտները մեծ ոգևորությամբ, հրաշալի ասմունքով և մեկնաբանություններով ներկայացրին Սևակի պոեզիան՝ օրը վերածելով պոեզիայի գեղեցիկ տոնի:
Միջոցառումը հաջողված էր, այն ավելի շուտ պոեզիայի ժամ էր՝ բարության, ազնվության դաս:
Ներկաները վարակվեցին աշակերտների ոգևորությամբ, թափանցեցին սևակյան բանաստեղծական աշխարհը և մի անգամ ևս համոզվեցին, որ Պ. Սևակի կյանքը չի ավարտվել, այլ ընդամենը ընդհատվել է ՝ սկիզբ տալով կեցության նոր ձևի ՝ հոգևոր հավերժությանը: Եվ որ լուսապաշտ Սևակը ապրողներին ավանդում է բարձր խորհուրդ՝ եղիցի լույս:
-Լո՛ւյս, լո՜ւյս զվարթ…