Դեկտեմբերի 15-ին Վանաձորի Մովսես Խորենացու անվան N17 ավագ դպրոցում կայացավ դպրոցի վեբ կայքի շնորհանդես: Վեբ կայքը դպրոցին տրամադրել է Գյումրու տեխնոլոգիական կենտրոնը:
Ձեռնարկությունների ինկուբատոր հիմնադրամի և Վանաձորի տեխնոլոգիական կենտրոնի կողմից նախաձեռնված ամառային դպրոցը (10-14 և 15-18 տարիքային խմբերի համար) իրականացվել է օգոստոսի 10-ից սեպտեմբերի 10-ը:
Մարզից թվով 100 աշակերտներ մասնակցեցին դասընթացներին: Իսկ սեպտեմբերի 10-ից մինչև նոյեմբերի 1-ը 15-18 տարիքային խմբի 100 մասնակիցներ սովորեցին WEB ծրագրավորում:
«Ամառային դպրոց» ծրագրի շրջանակներում Kodu դասընթացին մասնակցած Վանաձորի Մովսես Խորենացու անվան N17 ա/դ 9 աշակերտներ թիմային աշխատանքում ստացան գերազանց գնահատականներ : Այդ աշակերտներն են՝ Ժենյա Օխիկյանը, Անահիտ Բալյանը, Ասյա Հովհաննիսյանը և Մարիետա Պապանյանը, Գայանե Թումանյանը, Հայարփի Հովհաննիսյանը, Արաքսյա Հովհաննիսյանը, Արթուր Չոբանյանը և Տիգրան Քոչարյանը:
Kodu ծրագրի գերազանց ցուցանիշներ ունեցած աշակերտները մեկնեցին Երևան` մասնակցելու «ԴիջիԹեք Էքսպո» ամենամյա տեխնոլոգիական ցուցահանդեսին: Ցուցահանդեսի մասնակից աշակերտներն էին՝ Ժենյա Օխիկյանը, Անահիտ Բալյանը, Ասյա Հովհաննիսյանը և Մարիետա Պապանյանը:
Դեկտեմբերի 12-ին Վանաձորի տեխնոլոգիական կենտրոնի մրցանակաբաշխության ժամանակ մեր աշակերտները արժանացան մասնակցության վկայականների: