ՍՈՒՐԲ ՀԱՐՈՒԹՅԱՆ ՏՈՆԸ ԱՐՏԱՇԱՏԻ N4 ՀԻՄՆ. ԴՊՐՈՑՈՒՄ
«Դպրոց-կենտրոնների միություն» իրավաբանական անձանց միության առաջարկով Արտաշատի հ. 4 հիմնական դպրոցում տեղի ունեցավ միջոցառում` նվիրված Սուրբ Հարության տոնին: Աշակերտները ներկայացրին Սուրբ Հարության խորհուրդը, ինչպես նաև Ավագ շաբաթվա օրերը: Նրանք փոքրիկ բեմականացմամբ ներկայացրին Հիսուս Քրիստոսի հարությունը և մեկ անգամ ևս ապացուցեցին, որ քրիստոնյա ժողովուրդը մինչ օրս նշել է և միշտ էլ կնշի այս գեղեցիկ տոնակատարությունը: Ճիշտ է, Զատիկը ունի նախաքրիստոնեական ավանդություն, սակայն այն փոխանցվել և պահպանել է իր խորհուրդը, որը խորհրդանշում է գարնան զարթոնքը, վերածնունդը, կյանքի սկիզբը, հարությունը: Միջոցառումը կազմակերպել էր դպրոցի Հայոց եկեղեցու պատմության ուսուցչուհի Աննա Գրիգորյանը: Աշակերտները իրենց գեղեցիկ ասմունքով, ճիշտ ընտրված երգերով, պարով նաև բեմականացմամբ հիացրին հանդիսատեսին:
