Հ. ԹՈՒՄԱՆՅԱՆԻ 145 ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ ԳԱՎԱՌԻ N5 ՀԻՄՆ. ԴՊՐՈՑՈՒՄ
Ամենայն հայոց բանաստեղծ Հովհաննես Թումանյանի ծննդյան 145-ամյակին նվիրված Գավառի N5 հիմնական դպրոցում անցկացվեց Թումանյանական շաբաթ:
Այդ օրը շատ ուրախ էին 3-րդ դասարանցիները: Դասղեկ Ա. Սաֆարյանը կազմակերպել էր դաս-միջոցառում՝ նվիրված Հ. Թումանյանի ծննդյան 145-ամյակին: Երեխաները ներկայացրեցին Հ. Թումանյանի կենսագրությունը:
Ժամանակակից մեթոդների օգտագործումով կենդանություն ստացան Թումանյանի ինը հեքիաթների մոտիվներով ստեղծած «Ուլիկի ճամփորդությունը» հեքիաթի հերոսները:
Դասը հագեցած էր դիդակտիկ նյութերով, որոնք պատրաստվել էին երեխաների ուժերով:
Երկրորդ դասարանցիները բեմադրեցին «Սևուկ ուլիկ» հեքիաթը, իսկ չորրորդ դասարանցիները՝ «Անխելք մարդը» հեքիաթը:
Տարրական դպրոցի աշակերտները հետաքրքրությամբ դիտեցին և քննարկեցին հեքիաթները, իսկ միջին դպրոցի աշակերտները անցկացրին Թումանյանի բանաստեղծությունների ընթերցանության ժամ:
