2016թ-ի փետրվարի 2-ին Աբովյան քաղաքի թիվ 2 հիմնական դպրոցի 8-րդ դասարանում տեղի ունեցավ բաց դաս-սեմինար ՀՀ պետական խորհրդանիշերի արժևորման մասին: Այն նպատակ ուներ աշակերտների մոտ ձևավորել պետականության խորհրդանիշերի հանդեպ պատշաճ վերաբերմունք, դրանց իմաստային ծանրաբեռնվածության գիտակցում: Պարտադիր է խորհրդանիշերի միջոցով ինքնության մյուս բաղադրիչների՝ հերոսների, ծեսերի, արժեքների վերաիմաստավորումը:
Դասը սկսվեց օրհներգի կատարմամբ, այնուհետև աշակերտները ներկայացրին և մեկնաբանեցին իրենց խմբային աշխատանքները խորհրդանիշերի նշանակալիության արժևորման, նախարարական տների զինանշանների, քանդակագործության, եկեղեցաշինության և այլ համամարդկային արժեքների մասին: Ծավալվեցին բուռն քննարկումներ, աշակերտները եկան այն եզրակացության, որ սեփական արժեքների գիտակցումը տեղի է ունենում այլ մշակույթների հետ դեմ առ դեմ հանդիպելիս: Անհրաժեշտ է հաղորդակցվել համամարդկային արժեքներին, մարդկության մեծագույն նվաճումների հետ՝ պահպանելով սեփական մշակույթը, արժեհամակարգը և վեհ դաստիարակությունը:

Կազմակերպիչ՝ Ռ. Միրզոյան