Երևանի Սիամանթոյի անվան թիվ 162 հիմնական դպրոցում անցկացվեց «Հայոց պետական խորհրդանիշեր» թեմայով բաց դաս ` 8-րդ դասարանցիների մասնակցությամբ: Դասն սկսվեց ՀՀ ազգային օրհներգով, էլեկտրոնային գրատախտակով ցուցադրվեց ու հնչեց ՀՀ անկախության հռչակագիրը` Արամ Մանուկյանի ընթեցմամբ: Ուսուցիչը հանգամանորեն մեկնաբանեց «պետություն, հայրենիք, ազգ ժողովուրդ, խորհուրդ և խորհրդանիշ» եզրույթները: Աշակերտներն ամբողջացրին ՀՀ պետական զինանշանը, ներկայացնելով բոլոր բաղադրիչ մասերի խորհուրդները: 
Աշակերտները նշեցին, որ գոյություն ունեն նաև ոչ պետական , բայց ոչ պակաս կարևոր խորհրդանիշեր մեր ժողովրդի համար, նշեցին իրենց տարբերակները: Դասն ամբողջությամբ ողողված էր հայրենասիրական հզոր գաղափարով, հայ լինելու հպարտության զգացողություն, հայոց անկախ պետականությունը հավերժ պահպանելու վճռականություն արթնացրեց: