02.02.2016 թ. ժամը 14:00-ին Գավառի Հ. Թումանյանի անվան №3 հիմնական դպրոցում 8-րդ դասարանի դասղեկ Ռուզաննա Պիպոյանը անցկացրեց «Հայոց պետական խորհրդանիշեր» խորագրով միասնական դաս-սեմինար: Դասի տևողությունը 90 րոպե: Դասին կիրառվեցին մի քանի մեթոդական հնարքներ: Մտագրոհի մեթոդով նախ վեր հանեցին «նշան» բառի իմաստը, ապա սահիկահանդեսի և տեսաֆիլմի ուղեկցությամբ ուսուցչուհին բացատրեց «նշան» և «խորհրդանշան» հասկացությունները: Կատարվեց խմբային աշխատանք. Խմբերին առաջարկվեց քննակրման արդյունքում ընտրել խմբի համար մի այնպիսի խորհրդանշան, որը կարտացոլի խմբի բոլոր անդամների կամքը, իդեալները, արժեքները, որից հետո՝ կշռադատման փուլում խմբերին հանձնարարվեց աշխատանք ՀՀ պետական խորհրդանիշերի օրենքների տեքստերի վրա: Ամենավերջում ուսուցչուհին ներկայացրեց «Հայոց պետական խորհրդանիշեր» խորագրով պաստառների մրցույթի ընթացակարգը: Նշեց, որ խրախուսվելու է ստեղծագործելու ազատությունը: