Սևանի Խ. Աբովյանի անվան ավագ դպրոցում հայոց լեզվի և գրականության ավանդական շաբաթը համընկավ ապրիլյան եղեռնի օրերին: 
Ապրիլի 23-ին VIIա և VIIբ դասարանցիների հետ Մեծ եղեռնին նվիրված միջոցառում էին կազմակերպել դասղեկներ Զարինե Ղազարյանը և Էմմա Պետրոսյանը: Դպրոցում ճաշակով և բարձր մակարդակով կազմակերպված միջոցառումները նորություն չեն, սակայն այս անգամ էլ փորձառու դասղեկները կարողացան զարմացնել ունկնդիրներին: Ուշագրավ էր աշակերտների սև հագուստի ֆոնի վրա պարանոցի եռագույն հյուսքը, որ կարծես մեր ժողովրդի հարատևության խորհրդանիշը լիներ:
Սողոմոն Թեհլերյանի դատի ժամանակ մի պահ թվաց, թե իսկապես դատարանում ենք: Հիացրին աշակերտների երգը և ասմունքը, ոգեշնչեցին եղեռնի բոլոր զոհերը, հնչեցին հիշատակի և մեծարման խոսքեր: Որոշվեց հաջորդ օրը՝ ապրիլի 24-ին, միահամուռ մասնակցել երթին դեպի եղեռնի զոհերի խաչքար-հուշարձան, մի բան, որ ավանդույթ է դպրոցում և արվում է ամեն տարի: